36 байршилд нөөцийн махны өргөтгөсөн худалдаа үргэлжилж байна

Нийслэлийн зургаан дүүргийн 36 байршилд зургадугаар сарын 21-27-ны хооронд нөөцийн махны өргөтгөсөн худалдааг хямдралтай үнээр зохион байгуулж байна.  Хонины махыг гулуузаар 1 кг нь 10000 төгрөг, үхрийн махыг 13000 төгрөгөөр тус тус борлуулж байгаа юм. Энэ нь өмнө борлуулж байсан үнээс хямдарсан гэсэн үг. Жишээлбэл, хонины махыг гулуузыг нь 1 кг-ыг нь 11800 төгрөгөөр, үхрийн махыг 1 кг-ыг нь 13800 төгрөгөөр худалдан борлуулж байсан үнээс тус, тус хямдраад байна. Нийслэлийн хэмжээнд 2025 онд 10 аж ахуйн нэгж 8713 тонн нөөцийн мах бэлтгэн, 446 хүнсний дэлгүүрээр зах зээлийн жижиглэнгийн үнээс 30 орчим хувиар хямдаар зарж эхэлжээ.