Улсын заан Б.Бат-Өлзий "Тэргүүн бөх"-өөр шалгарлаа

Улсын заан Б.Бат-Өлзий 2024-2025 оны улирлын барилдаануудад амжилттай барилдаж, чансааны 11350 оноогоор тэргүүлж, шилдэг найман бөхийн "Тэргүүн бөх"-өөр тодорч, өнөөдөр шагналаа гардан авчээ. Уг шагналыг МҮБХ-ны гүйцэтгэх захирал, улсын гарди И.Доржсамбуу гардуулж, түүнд өргөмжлөл, Монгол бөхийн өргөөний сувинер, мөнгөн шагналаа гардуулан өгчээ.

Сүүлд бөхчүүдийн чансааны оноо шинэчлэгдэж, улсын заан Б.Бат-Өлзий 11350 оноогоор чансааг тэргүүлж, удаах байрт улсын начин Э.Батмагнай 10300 оноогоор, гуравдугаар байрт аймгийн хурц арслан Н.Амгаланбаатар 10050 оноогоор тус тус бичигдсэн байна. Бөхийн өргөөний улирлын барилдаануудад амжилттай барилдан, чансааны эхний наймд шалгарсан бөхчүүдэд шагнал олгохоор болсон. 

• Ховд аймгийн Зэрэг сумын харьяат, Улсын заан Б.Бат-Өлзий /33 нас/ 11350 оноо
• Баянхонгор аймгийн Жинст сумын харьяат, Улсын начин Э.Батмагнай /24 нас/ 10300 оноо
• Дундговь аймгийн Эрдэнэдалай сумын уугуул, Аймгийн хурц арслан Н.Амгаланбаатар /22 нас/ 10050 оноо
• Сүхбаатар аймгийн Онгон сумын харьяат, Аймгийн хурц арслан Н.Өсөхбаяр /27 нас/ 9700 оноо
• Хэнтий аймгийн Өмнөдэлгэр сумын харьяат, Аймгийн хурц арслан Д.Алтанцоож /30 нас/ 9400 оноо
• Сэлэнгэ аймгийн Цагааннуур сумын харьяат, Улсын арслан Б.Орхонбаяр /35 нас/ 9,100 оноо
• Хөвсгөл аймгийн Галт сумын харьяат, Улсын өсөх идэр начин Ч.Батчулуун /35 нас/ 8800 оноо
• Ховд аймгийн Буянт сумын харьяат, Улсын аварга О.Хангай /35 нас/ 8600 оноо