​Тайландад гурван хүүхэд алга болсон гэдэг нь худал

Тайландад Монголын гурван хүүхэд гэр бүлээрээ аялж явах үеэр сураггүй алга болсон тухай мэдээлэл өнгөрсөн оны наймдугаар сард цацагдсан. Алга болсон хүүхдүүд өнөөдрийг хүртэл олдоогүй, гэр бүлийнхэн нь хайж буй тухай мэдээлэл цахим орчинд цацагдсан нь олон нийтийн анхаарлын төвд байна. Энэ талаар Гадаад харилцааны яамнаас тодруулахад "худал мэдээлэл" гэлээ. Тус яамнаас Тайландын цагдаагийн газраас тодруулсан бөгөөд хүүхдүүд алга болсон тухай гомдол, мэдээлэл бүртгэгдээгүй байна.

Консулын газраас өгсөн мэдээллээр Энэ мэдээлэлтэй холбогдуулан алга болсон гэж байгаа хүүхдүүдийн гэр бүлээс ЭСЯ-нд хандаагүй. Хүүхдүүд алга болсон газрын (Пукет) цагдаагийн бүртгэлд огт бүртгэгдээгүй. Тайланд дахь ЭСЯ-аас тус цагдаагийн газарт албан ёсоор мэдээлэл авах хүсэлтээ хүргүүлж, мэдээлэл авсан. Пукетын цагдаагийн газраас Монгол Улсын гурван хүүхэд алга болсон ямар нэг зүйл огт болоогүй гэдгийг цагдаагийн газар албан ёсоор мэдэгдсэн байна.