​Хотын даргыг нийслэлийн иргэд өөрсдөө сонгодог байх өргөдөлд 8655 иргэн гарын үсэг зуржээ

Өнгөрсөн дөрөвдүгээр сарын 18-нд иргэн С.Түвшинбилэг нийтийн өргөдлийн "D-ӨРГӨДӨЛ" цахим системд "Хотын даргыг иргэдийн шууд сонгуулиар сонгодог байх" өргөдлийг санаачилсан. Тэгвэл өнөөдөр 12:30 цагийн байдлаар 8655 иргэн гарын үсгээ зуржээ. Дээрх өргөдөлд тавдугаар сарын 25-ны дотор 100 мянган иргэн гарын үсгээ зурсан тохиолдолд УИХ-аас ажлын хэсэг байгуулагдаж, иргэдийн өргөдлийг хэлэлцэх боломж бүрдэх юм.

 С.Түвшинбилэг "Улаанбаатар хотын даргыг сонгуулиар сонгодог болсноор ардчилал ба иргэдийн оролцоо нэмэгдэх, ил тод байдал хариуцлага сайжрах, хотын хөгжлийн бодлого тогтвортой болох, төр засгаас хараат бус байх зэрэг олон давуу тал үүсэх тул хотын иргэд бид өөрсдийн амьдралд шууд нөлөөлөх энэхүү чухал албан тушаалыг өөрийн сонголтоор сонгох эрхээ олж авах шаардлагатай байна" гэжээ.

Хэрэв иргэн та дээрх өргөдөлд оролцох бол ЭНД дарна уу.