Пара жүдо бөхийн ДАШТ-д найман тамирчин зодоглоно

Казахстаны Астана хотод пара жүдо бөхийн насанд хүрэгчдийн дэлхийн аварга шалгаруулах тэмцээн болно. Тус тэмцээнд гавьяат тамирчин Б.Ууганхүүгийн удирдуулсан гурван дасгалжуулагч, нэг эмч, найман тамирчин оролцохоор бэлтгэл сургуулилтаа хангаж байна.

 Тодруулбал, ахлах дасгалжуулагчаар А.Мөнхбат, туслахаар С.Ядамдорж, зөвлөхөөр гавьяат тамирчин Г.Жамсран нар ажиллах бол багийн бүрэлдэхүүнд J1 ангиллын эрэгтэйчүүдийн 70 кг-д спортын мастер Б.Бат-Эрдэнэ, Я.Очирваань, 81 кг-д Г.Чулуунсүх, -95 кг-д олон улсын хэмжээний мастер Д.Ганбат, +95 кг-д Л.Эрдэнэбилэг нар зодоглоно. Харин J1 эмэгтэйчүүдийн 52 кг-д спортын мастер Т.Сувд-Эрдэнэ, 70 кг-д олон улсын хэмжээний мастер Л.Туруунаа барилдах бол J2 ангиллын эрэгтэйчүүдийн 81 кг-д спортын мастер Э.Даваадагва зодоглох юм байна.