​ЦЕГ: Д.Мөнх-Эрдэнэ, Ж.Энхжаргалан нарыг “Олон нийтийн газарт танхайрсан“ гэх үндэслэлээр шалгаж байна

Өчигдөр буюу 2025 оны 4 дүгээр сарын 29-ний өдөр Ардчилсан намын гишүүн "Лайвчин" Д.Мөнх-Эрдэнэ НИТХ-ын төлөөлөгч, "Төв цэнгэлдэх хүрээлэн"-гийн гүйцэтгэх захирал Ж.Энхжаргалантай хийсэн лайвын үеэр маргалдаж, гар зөрүүлсэн юм. Лайв хийх үеэр яригдсан зарим асуудлаар, Ж.Энхжаргалан хэвлэлд мэдээлэл өгөхдөө, Д.Мөнх-Эрдэнэ өөрийг нь гүтгэсэн гэх тайлбарыг хийсэн юм. 

Уг асуудлыг  “Олон нийтийн газарт танхайрсан“ гэх үндэслэлээр Хан-Уул дүүргийн Цагдаагийн I хэлтэст шалгаж байгаа гэх мэдээллийг ЦЕГ-аас өглөө. 

Хуулийн заалт: Зөрчлийн тухай хуулийн 5.2 дугаар зүйл.

1.1. хэрүүл маргаан үүсгэж;

1.2. бусдыг өдөөн хатгаж;

1.3. бусдын амгалан тайван байдал алдагдуулж;

1.4. олон нийтийг үл хүндэтгэж, нийтээр хүлээн зөвшөөрөгдсөн хэм хэмжээг зөрчсөн, эсхүл аж ахуйн нэгж, байгууллагын хэвийн үйл ажиллагааг алдагдуулсан бол хүнийг нэг зуун нэгжтэй тэнцэх хэмжээний төгрөгөөр торгох, эсхүл албадан сургалтад хамруулж долоогоос гуч хоногийн хугацаагаар баривчлах шийтгэл оногдуулна" гэж заажээ.