Урт цагаанд цэцэрлэгт хүрээлэн долоодугаар сард ашиглалтад орно

 Өнгөрсөн онд “Урт цагаан” худалдаа, үйлчилгээний төвийн барилгыг нурааж, суурин дээр нь цэцэрлэгт хүрээлэн бүхий төв байгуулахаар болсон юм. Цэцэрлэгт хүрээлэнг долоодугаар сарын 1-нд ашиглалтад оруулахаар болжээ. 

Урт цагаан төслийн барилга угсралтын ажил хоёр хэсэгтэй бөгөөд нийт төслийн төмөр бетон хийц болон далд зогсоолын ажил дуусаж байгаа аж. Долоодугаар сард багтаан ашиглалтад оруулах нэгдүгээр хэсгийн бүтээн байгуулалтад цэцэрлэгт хүрээлэн буюу дээрээ тохижилт бүхий авто зогсоол багтсан байна. Хоёрдугаарт хэсэгт цэцэрлэгт хүрээлэнгийн хажууд байрлах B1 давхартайгаа нийлээд гурван давхар үйлчилгээний барилгыг есдүгээр сард багтаан ашиглалтад оруулахаар төлөвлөжээ.