Багануур дүүргээс насанд хүрээгүй хүүхэд мопед, мотоцикл, цахилгаан дугуйтай замын хөдөлгөөнд оролцохыг хориглох захирамж гаргажээ

Багануур дүүргийн Засаг дарга С.Даваасүрэн дүүргийн нутаг дэвсгэрт насанд хүрээгүй хүүхэд мопед, мотоцикл, цахилгаан дугуй болон тэдгээртэй дүйцэх техникийн үзүүлэлт бүхий тээврийн хэрэгсэлтэй замын хөдөлгөөнд оролцохыг хориглох  захирамж гаргажээ. Тус захирамж нь өчигдөр /2025.04.16/ гарсан бөгөөд энэ сарын 21-нээс хэрэгжиж эхэлнэ. Ташрамд дурдахад, дөрөвдүгээр сараас эхлэн сурроныг 18 нас хүрсэн “А” үнэмлэхтэй иргэд унаж замын хөдөлгөөнд оролцож эхэлсэн. Хэрэв 18 нас хүрээгүй хүүхэд суррон унаж хөдөлгөөнд оролцвол Зөрчлийн тухай хуулиар 200 мянган төгрөгөөр торгох юм.