Олон улсад залуучуудын хөдөлмөр эрхлэлт буурчээ

ГБХНХЯ, АХБ хамтран залуучуудын хөдөлмөр эрхлэлтийн судалгааг хийж байна. ГБХНХЯ, АХБ-наас залуучуудын хөдөлмөр эрхлэхэд тулгамдаж буй асуудал, сургуулиа төгсөөд ажлын байранд шилжих шилжилт, эдийн засгийн идэвхигүй байгаа шалтгааныг тодорхойлж, тэднийг ямар бодлогоор дэмжвэл зохистой талаар судалж байна. Энэхүү судалгаа нь Монгол Улсын залуучуудын хөдөлмөр эрхлэлтийг дэмжих бодлого, хөтөлбөрийг илүү үр дүнтэй, зорилтот бүлэгт чиглэсэн байдлаар шинэчлэн суурь мэдээлэл, зөвлөмжийг боловсруулахад чухал ач холбогдолтой гэж АХБ-ны дэмжлэгтэй хэрэгжүүлж буй Залуучуудын хөдөлмөр эрхлэлт судалгааны ажлын хүрээнд холбогдох албан тушаалтнуудын уулзалтын үеэр талууд онцлов.

 Олон улсад залуучуудын хөдөлмөр эрхлэлт буурч, эдийн засгийн идэвхгүй байдал нь тулгамдсан асуудал болоод байна. Манай улсад ч мөн адил хөдөлмөрийн зах зээлийн эрэлт нийлүүлэлт, ур чадварын зөрүү зэрэг хүчин зүйлээс шалтгаалан  залуучуудын ажиллах хүчний оролцоо бага, ажилгүйдэл өндөр байна. Салбарын яамнаас олон улсын жишгээр залуучуудын  хөдөлмөр эрхлэлтийг дэмжихийн тулд анхаарал хандуулж, бодлого, арга хэмжээгээ боловсронгуй болгох ажлыг хийж байна.  Тухайлбал, судалгаа үнэлгээний байгууллагуудын чадавхыг бэхжүүлж, хөдөлмөр эрхлэлтийн төрийн үйлчилгээг сайжруулах зорилгоор олон улсын зөвлөх ажилуулахаар төлөвлөөд байгаа аж.