Он гарснаас хойш гал түймрийн улмаас долоон хүний амь эрсдэв

НОБГ-аас гал түймрийн дуудлага мэдээлэлтэй холбогдуулан цаг үеийн асуудлаар мэдээлэл хийлээ.

НОБГ-ын гамшгаас урьдчилан сэргийлэх хэлтсийн дарга, дэд хурандаа Д.Хадбаатар "Нийслэлийн хэмжээнд объектын гал түймэр ихсэх хандлагатай байна. Он гарснаас хойш энэ төрлийн 767 удаагийн дуудлага мэдээлэл бүртгэгдэж иргэн аж ахуйн нэгж байгууллагын 88.8 тэрбумын өмч хөрөнгийг хамгаалсан. Харамсалтай нь, гал түймрийн улмаас дөрвөн том хүн, гурван хүүхэд нийт долоон хүний амь эрсэдсэн. Гал түймрийн шалтгаан нөхцөлийг судалж үзвэл 45 хувь нь ил галаас, 29 хувь нь цахилгаан ашиглалтын угсралтыг буруу зөрчсөнөөс, 17.6 хувь нь яндангийн цоонолтоос болж тус тус гарсан байна" гэлээ.