​ Монгол Улс аз жаргалын индексээр 77 дугаарт жагсаж байна

Монгол Улс иргэдийнхээ аз жаргалын үнэлэмжээр энэ онд  147 орноос 77 дугаарт бичигдсэн байна. 2025 оны судалгаанд Монгол Улсын оноо 5.833 байсан нь өмнөх оныхоос ялимгүй дээшилжээ.  Оксфордын их сургуулийн Аз жаргалын судалгааны төвөөс НҮБ-ын Тогтвортой хөгжлийн шийдлийн сүлжээ, “Gallup” байгууллагатай хамтран жил бүр гаргадаг тайланд иргэд амьдралынхаа чанарыг хэрхэн үнэлсэн хариулт дээр үндэслэж, улс орнуудыг аз жаргалын түвшнээр нь эрэмбэлдэг. Ингэхдээ улс бүрээс 1000 хүнээс асуулга авч, сүүлийн гурван жилийн дунджаар жигнэн 0-10 хүртэлх оноогоор үнэлдэг байна.

10 жилийн өмнө 100-аас хойш жагсаж байсан Монгол Улсын эрэмбэ сүүлийн жилүүдэд харьцангуй сайжирсан ч 2024 онд эрс доошлон 61-77 руу ухарч байлаа. Хойд Европын орнууд итгэлцэл, өгөөмөр сэтгэлийн үзүүлэлтээр эрэмбэд мөн л тэргүүлсэн бол Монгол Улс танихгүй хүнд туслах үзүүлэлтээр 132 дугаарт, гээсэн түрийвчийг танихгүй хүн эргүүлэн өгөх магадлалаар 102 дугаарт жагсжээ.