Г.Отгонтамир: Хоёр дугуйт тээврийн хэрэгслийг бага насны хүүхэд жолоодож осолдох нь элбэг байна

Хоёр дугуйт тээврийн хэрэгсэл буюу скүүтэр, сурон, мопед, мотоциклтой зам тээврийн осол гаргаж байгаа мэдээлэл цагдаагийн байгууллагад бүртгэгдэж байна. Ихэвчлэн бага насны хүүхдүүд гудамж, замын хөдөлгөөнд оролцож байгаад автомашинтай мөргөлдөх тохиолдол гарч байна. Замын хөдөлгөөний дүрмийн 25 дугаар зүйл заалт буюу "Унадаг дугуйн тоормос, жолоо, хонх нь бүрэн ажиллагаатай байхын дээр харанхуй үед болон үзэгдэлт хангалтгүй нөхцөлд хөдөлгөөнд оролцоход урд талдаа цагаан, ар талдаа улаан өнгийн гэрэл буюу гэрэл ойлгуур, хоёр хажуу талдаа улаан буюу улбар шар өнгийн гэрэл ойлгууртай байна. Мопед нь энэ дүрмийн 4 дүгээр хавсралтаар түүнд хамаатуулан заасан эвдрэл, гэмтэл, техникийн зөрчилгүй байна" гэх дүрмээ сайн судлах хэрэгтэй байна. 

Тухайлбал, Экобайк нь мопедийн төрөлд орно. 16 нас хүрээгүй хүүхэд унахыг хориглодог. Гэтэл хүүхдүүд унаж байна, мөн эцэг эхчүүд скүүтэр дээр хүүхдээ урдаа авч явж байгаад осолдох тохиолдол гарч байна.