​Нийслэлийн 90 байршилд авто зогсоол барихаар төлөвлөжээ

Нийслэлийн 90 байршилд гаднын франчайз үйлчилгээтэй, авто зогсоол барихаар төлөвлөжээ. Улаанбаатар хотод орон сууцанд амьдарч буй айл өрхүүд нийт 199.676 тээврийн хэрэгсэлтэй бөгөөд авто зогсоол нь 80 мянга  буюу авто зогсоолын хүртээмж 40.1 хувьтай байна. 

Энэ талаар Нийслэлийн Ерөнхий архитектор Ч.Төгсдэлгэр "Төвийн зургаан дүүрэгт 1801 байршилд 113.356 автомашины зогсоол бий. Зогсоолын ашиглалтын түвшин, зогсоолоор үйлчлүүлэх хэв шинжийг 6:00–20:00 цагийн байдлаар судалж үзэхэд үйлчлүүлэх зорилгоос хамааран эрэлт харилцан адилгүй байна. Өдрийн цагаар албан байгууллага орчимд, шөнийн цагаар оршин суугч ихтэй орон сууцны бүсэд, холимог зориулалттай бүсэд бүх цагуудад зогсоолын эрэлт их байна. Тухайлбал, Бага тойруу орчимд нэг жолооч зогсоол хайхдаа 26 минут зарцуулж байна. Зогсоолын хүртээмжийг нэмэхэд 119.676 зогсоол шаардлагатай тул гаднын франчайз үйлчилгээтэй, авто зогсоол болон  ХУД-ийн 120 мянгат орчимд 7000 орчим автомашины багтаамжтай далд зогсоол барихаар төлөвлөсөн. Франчайз үйлчилгээтэй зогсоол барьснаар хүртээмжийг 75 хувьд хүргэнэ" гэв.