Архангай аймгийн Цэнхэр суманд менингоккокт халдвараар өвчилсөн 5 настай хүүхэд нас баржээ

ХӨСҮТ-өөс цаг үеийн асуудлаар мэдээлэл хийлээ.  

ХӨСҮТ-ийн захирал Э.Анхбаяр, "Уржигдар буюу 3 дугаар сарын 26-ны өдөр Архангай аймгийн Цэнхэр суманд бүртгэгдсэн сэжигтэй тохиолдол батлагдсан. Тухайн хүүхэд таван настай, биеийн байдал тун хүнд аймгийн төвийн эмнэлэгт хүргэгдэж, эмчилгээ үйлчилгээ аваад байсан ч харамсалтай нь эндлээ. Он гарсаар менингитийн дөрөв дэх тохиолдол батлагдаж, хоёр тохиолдол эндлээ. Эцэг эхчүүд, асран хамгаалагчид хүүхдэдээ тууралт гарахаас өмнө буюу халуурсан, ханиалгасан, хоолой нь өвдсөн шинж тэмдэгтэй байвал цаг алдалгүй эрүүл мэндийн байгууллагад хандахыг хүсье" гэлээ.