Түргэн тусламжийн машинтай мөргөлдсөн автобус 64км/ц хурдтай явж байжээ

Төв аймгийн Өндөрширээт сумын нутаг дэвсгэрт байх Талын-Уул гэх газар буюу Улаанбаатар-Арвайхээр чиглэлийн авто замын 170 дахь км-ийн ойролцоо Toyota Hiace маркийн автомашин Улаанбаатараас Завхан аймгийн чиглэлд зорчиж явсан Kia Grandbird маркийн том оврын автобустай мөргөлдсөн хэрэг гуравдугаар сарын 11-нд гарсан билээ. Түргэн тусламжийн машинтай мөргөлдсөн автобус 64км/ц хурдтай явж байсан гэсэн дүгнэлт гарчээ. Эмнэлгийн түргэн тусламжийн автомашин Төв аймагт осолдож зургаан хүн нас барж, хоёр хүүхэд гэмтсэн. Тэгвэл ослын газарт авто тээврийн хяналтын хэлтсийнхэн ажиллаж автобусны хар хайрцгийг цагдаагийн албанд хүлээлгэн өгсөн байна. Мөн эмнэлгийн тээврийн хэрэгсэл автобусны урдаас орж ирсэн. Автобус тухайн үед 64 км/ц хурдтай явж байсан гэж урьдчилсан мэдээлэл өгчээ.