Энэ онд нийслэлийн хэмжээнд 145 сургууль, цэцэрлэг барихаар төлөвлөжээ

Нийслэлийн боловсролын салбарт 2024 онд нийт 168 төсөл, арга хэмжээг хэрэгжүүлсэн. Онцолбол, есөн сургууль, 19 цэцэрлэг, нэг бага сургууль, цэцэрлэгийн цогцолборыг ашиглалтад оруулаад байна. Харин 2025 онд нийслэлийн боловсролын салбарт нийт 145 төсөл, арга хэмжээ хэрэгжүүлнэ. Үүний 71 нь улсын төсвийн хөрөнгө оруулалтаар, 50 нь нийслэлийн төсвийн хөрөнгөөр, 14 нь дүүргийн төсвийн хөрөнгө оруулалтаар хэрэгжих юм байна.

Урьдчилсан төлөвлөгөөгөөр 25 сургууль, 50 цэцэрлэг, 14 бага сургууль, цэцэрлэгийн цогцолборыг ашиглалтад оруулна. Нийслэлийн 2025 оны төсөвт нэг сургуулийн барилга худалдан авах, таван цэцэрлэгийн барилга худалдан авах, хоёр сургуулийн барилга барих нийт найман төсөл арга хэмжээ, Баянгол дүүргийн төсвийн хөрөнгөөр нэг цэцэрлэг барихаар төлөвлөжээ.