Танилц: Үнэ төлбөргүй үйлчлэх музей

 “Музейн нээлттэй өдрүүд” арга хэмжээг гуравдугаар сарын эхний долоон хоногт орон даяар зохион байгуулна. Тус арга хэмжээний үеэр төрийн болон орон нутгийн өмчит бүх музейг 0-16 насныханд үнэ төлбөргүй үзүүлэх юм.  Тодруулбал, музей үзэх үнэгүй долоо хоногт музейн ачаалал хоёр дахин нэмэгддэг аж. Олон жилийн дунджаас үзвэл зуны улиралд жуулчид ихэвчлэн музейд ирж, сонирхдог ба хамгийн ихдээ өдөрт 500-600 хүн үйлчлүүлдэг байна. Харин энгийн өдрүүдэд оюутан, сурагчид бага ирдэг бол жуулчин, ахмад настнууд түлхүү зорьж үйлчлүүлдэг.

Өнгөрсөн оны гуравдугаар сарын 1-ний өдөр гэхэд нийт 2900 гаруй үзэгч, гуравдугаар сарын 2-ны өдөр  Занабазарын нэрэмжит музей хүүхэд болон өндөр настан, хөгжлийн бэрхшээлтэй хүнд бүх өдөр үнэгүй үйлчилдэг. “Музейн нээлттэй өдөр”-ийг тохиолдуулж хүүхэд, залуус маш ихээр ирж, сонирходог гэнэ. Хэвийн өдрүүдэд музей үзэх үнэ том хүн 10 мянган төгрөг, оюутан 3000 төгрөгийн үнэтэй байдаг юм байна. Музейд тусгай хөтөч, орчуулагч байдаг тул гадаад жуулчид ирэх гэж байгаа бол эхлээд холбогдож хөтчөө тохирдог. Жуулчны улирал эхлэхээр ачаалал эрс нэмэгдэж өдөрт 100 гаруй хүн үйлчлүүлдэг байна.

Тус арга хэмжээтэй холбогдуулан Улаанбаатар хотод байрлах төрийн өмчит музейн байршил, ажиллах цагийн хуваарь, лавлах утасны дугаарын мэдээллийг нэгтгэн хүргэж байна.