Таван нэр төрлийн хими эмчилгээний тариаг хүлээн авчээ

Нэг эх үүсвэрийн хэлцлийн хүрээнд чанарын баталгаатай таван  нэр төрлийн хими эмчилгээний тариаг БНСУ-аас хүлээн авч хэрэглэхэд бэлэн болсныг Эрүүл мэндийн яамнаас мэдээллээ. Эхний ээлжид тус эмүүдийг ХСҮТ-д эмчлүүлж буй иргэдэд хэрэглэж, цаашид улсын хэмжээнд хавдрын хими эмчилгээ хийж буй бүх эмнэлэгт нэвтрүүлэхээр төлөвлөсөн аж. Мөн 2025 онд хими эмчилгээнд хэрэглэх эмийн нэр төрлийг 20 хүртэл тоогоор нэмэгдүүлэхээр үнийн хэлцэл хийгдэж байна. Одоогоор манай улсад хавдрын хими эмчилгээний 40 гаруй төрлийн эм хэрэглэгдэж байгаа юм.