Цахилгааны мөнгө бууруулах өргөдөлд 4232 хүн гарын үсэг зуржээ

Тог, цахилгааны үнийн нэмэгдэлд иргэдийн зүгээс шүүмжлэлтэй хандаж буй. Нөгөө талд цахилгааны үнийн нэмэгдэл нь олон жил алдагдалтай ажиллаж байсан эрчим хүчний салбарыг аварч,  бодит өртөгт нь ойртуулах нэмэгдэл болохыг албаныхан тайлбарлаж байгаа юм. 

Тэгвэл  нийтийн өргөдлийн "D-Parliament" цахим системд иргэн С.Гэгээ өнгөрсөн нэгдүгээр сарын 22-нд "Цахилгааны үнийг бууруулах тухай" өргөдлийг санаачлан оруулжээ. Өнөөдрийн байдлаар 4232 иргэн дэмжиж өргөдөлд гарын үсэг зуржээ. Гарын үсэг цуглуулах хугацаа энэ сарын 21-ний 18.00 цагт дуусах юм. Хэрвээ 33 мянган иргэн саналаа өгсөн тохиолдолд УИХ-аар хэлэлцэх боломж бүрдэнэ.

Өргөдөлд гарын үсгээ зурах бол https://petition.parliament.mn... дарж саналаа өгөх боломжтой.