Азийн өвлийн IX наадамд Хятад улс тэргүүллээ

БНХАУ-ын Харбин хотноо зохион байгуулсан Азийн өвлийн IX наадам  амжилттай зохион байгуулагдлаа.   Тамирчид 11 спортын 64 төрөлд өрсөлдсөн юм. Хятад улс 32 алт, 27 мөнгө, 26 хүрэл медаль хүртсэн амжилтаар медалийн чансааг тэргүүлж, 2011 онд Астана-Алматад болсон Азийн өвлийн VII наадамд Казахстан улсын баг тамирчдын тогтоосон хамгийн олон алтан медаль хүртсэн дээд амжилтыг эвдсэн байна. Харин Өмнөд Солонгос 16 алт, 15 мөнгө, 14 хүрэл медаль хүртсэн амжилтаар хоёрдугаар байрт шалгарсан бол Япон 10 алт, 12 мөнгө, 15 хүрэл медальтайгаар удаалжээ.