“Тэрэлж-Налайх-Офицеруудын ордон” чиглэлд өөрчлөлт оруулжээ

Налайх дүүргийн нэгдүгээр хороо болон зургадугаар хорооны иргэдийг нийтийн тээврийн хэрэгслээр аюулгүй зорчих нөхцөлийг хангах зорилгоор Х:4 “Тэрэлж-Налайх-Офицеруудын ордон” чиглэлд өөрчлөлт оруулжээ. Тэгвэл өнөөдрөөс Х:4 “10 Шар-Тэрэлж” чиглэл болгон шинэчилсэн байна.

Тус чиглэлд өдөрт “Зорчигч тээвэр тав” ОНӨААТҮГ-ын 1 автобус 3 рейс буюу 5 цаг хүлээдэг байсныг Х:4 “10 шар байр-Тэрэлж” гэсэн богино эргэлтэй болгожээ. Зорчигчдын хувьд Налайхаас Офицер орох бол Х:5 “Налайх-Офицерууудын ордон” чиглэлд дамжин суух боломжтой. Х:4 чиглэлээр үйлчлүүлдэг зорчигчдыг төрлөөр нь харьцуулбал хамгийн өндөр хувийг ахмад настан /карт/ эзэлдэг бол хамгийн бага хувийг хүүхэд эзэлж байна гэж Нийтийн тээврийн бодлогын газраас мэдээллээ.