Ж.Янжиндулам: Үндэсний бөхөөр хичээллэсэн эрчүүд хүчирхэг болдог

Үндэсний бөх Монгол өв соёлын нэг билээ. Бөхийн спортыг сонгосон тамирчид ихийг сурсан байдаг. Хүүхдийг багаас нь бөх үзүүлж, үндэсний спортод дурлан шимтүүлэхийн ач холбогдлыг  уламжлалт бариа засалч Ж.Янжиндулам "Хүүтэй хүн бүр уншаасай. Ирээдүйн цог жавхлант, эрэмгий дайчин, шударга эр хүнийг бүтээхийн тулд би бөхийн өргөөнд байнга бөх үздэг болсон. Одоогоор хүү минь нэг настай ч эдгээр суртал зан чанарыг хүүдээ багаас нь суулгахын тулд өсгөж хүмүүжүүлэх арга барилаа мэдэхийн тулд бөх үзэж, судалдаг. Олон эрэмгий дайчин залуусыг харж  хүн бүрд байдаг нандин  авууштай төлөв байдал, зан чанар, биеэ авч явах,  биеэ хамгаалах хөгжүүлэх ахмадаа хүндлэх ах захаа дээдлэх эрхэмлэх эрхэм нандин бүх зүйлийг эндээс харж сурч мэдэрч байгаадаа талархдаг. Нэгдүгээрт энэхүү өв соёл  хойч үед минь эрхэм чанаруудтайгаа  өвлөгдөх учиртай. Тухайлбал, эр хүний бие бялдар хэрхэн хөгжиж өөрчлөгдөж болдог,  жижигхэн биетэй ч хүсвэл юунд ч хүрэхийг болдгийг  үндэсний спорт  харуулна. Нэгдүгээрт ур ухаан,  уран мэх, дайчин  барилдаан өрсөлдөгчөө хайрлах, бэртээхгүй байх, хүндэтгэх зан төлөв их харагддаг. Өглөө босоод л цахим ертөнцөөс дандаа болж бүтэхгүй олон санаанд оромгүй хэргүүдийг үзэж сэтгэл эмзэглэдэг. Гэмт хэрэг хийсэн хүмүүс ихэвчлэн тэвчээр, сэтгэлийн дархлаа муутай, биеийн хэлэмж сул дорой байх нь бий. Харин үндэсний бөхөөс биеэ зөв хамгаалах, өөртөө илгэлтэй, зорьсон зүйлдээ үнэнч тууштай байх гээд ихийг харж болно.  Хүүхдээ ямар хүн болохоо өөрсдөө мэдэг, биеийг нь төрүүлсэн болохоос ухааныг нь төрүүлж чадахгүй гэж зарим хүмүүс ярьдаг. Яг үнэндээ бид хүмүүжил ухааныг нь төрүүлдэг. Том болоод өөрөө шийдэг гэж орхих нь буруу. Тийм хүн болгоно гээд бид эртнээс хүүхдийнхээ хүмүүжил биеэ хайрлах,  бусдыг хайрлах арга ухаанд сургах чухал. Эрэгтэй хүүхэдтэй хүн хүүхдээ бага байхад нь хамт  бөх үзэж эр хүн ийм байдаг гэдгийг харуулах хэрэгтэй.  Бөхийг зурагт, утсаар үзүүлэх биш бодитоор харуулж ямар их хөлс хүч, тэвчээр ухаан шаардсан спорт гэдгийг ойлгуулах нь зөв. Яагаад гэвэл зурагтаар тэдгээр жижиг бэртэл гэмтэл, ур ухаан нарийн зүйлүүд нь тод харагддаггүй. Очоод бодитоор хажуунаас нь харж  бахархах, бахдах, бишрэх, хүндлэх сэтгэл их төрдөгийг  мэдэрсэн. Охин хүүхэд бөх үзээд эр хүн ийм байх,  эрчүүдийн тус тусын үйл хөдлөлийг биеэ авч явж байгаагаас суралцах юм шиг санагдсан. Бэлтгэл сургуулилт  их хөлс хүч тууштай байдлыг тухайн хүндээ суулгаж өгдөг. Зарим нэг бөх  алдаа дутагдал гаргахад бөхчүүд гэж хүмүүс хүлээж авдаг, энэ нь тухайн хүний өссөн орчин хүмүүжилтэй холбоотой. Тийм учраас аав ээжүүд үндэсний өв соёл болсон хүч ухааны спортоо хүүхдүүдтэйгээ үзэхийг  уриалмаар байна. Учир нь бөх бол үндэсний хамгийн том өв соёл, хүчирхэг эрсийг бүтээж байгаа дархлаа юм. Тиймээс Бөхийн өргөөнд очиж амралтын хоёр өдрийн нэгэнд зохион байгуулагдаж байгаа барилдааныг үзэх боломжтой" гэв.