Ахмадуудын 37 хувь нь эдийн засгийн хүчирхийлэлд өртжээ

Хүчирхийллийн эсрэг үндэсний төвөөс 2020-2024 онд нийт 13795 хүн үйлчилгээ авчээ. Үүнээс 993 нь ахмад настан байна. Ахмадуудын 71 хувь сэтгэл санааны , 22 хувь нь биемахбодын хүчирхийлэлд өртөж үл хайхрагдах байдал 21 хувьтай байжээ. 

Харин ХЭҮТ-д хандсан ахмадуудын 37 хувь нь эдийн засгийн хүчирхийлэлд өртсөн байна. Өөрөөр хэлбэл үр хүүхэд, ойр тойрны хүмүүс нь өндөр настнуудын тэтгэврийн мөнгөнд ямар нэгэн байдлаар халдаж байна гэсэн үг юм.

Ахмад настны эсрэг үйлэгдэж буй хүчирхийллийн хувьд дан ганц эдийн засаг дээр суурилсан сэтгэл санааны болон биемахбодын хүчирхийлэл, үр хүүхэд ойрын хамаарал бүхий хүмүүсийн зүгээс  гарч байна. 

Хуулинд өндөр настай эцэг эхийнхээ тэтгэврийн мөнгийг зөвшөөрөлгүй авах нь гэмт хэргийн шинжтэй үйлдэл бөгөөд энэ тохиолдолд тухайн хүнийг 1 жил хүртэл хугацаагаар хорихоор заасан байдаг.  

Зөрчлийн тухай хууль

5.4 дүгээр зүйл.Гэр бүлийн хүчирхийлэлтэй тэмцэх тухай хууль зөрчих

4.5.ахмад настны тэтгэвэр, тэтгэмжээ ашиглах, захиран зарцуулах эрхэд халдсан нь эрүүгийн хариуцлага хүлээлгэхээргүй бол албадан сургалтад хамруулж долоогоос гуч хоногийн хугацаагаар баривчлах шийтгэл оногдуулна.

/Энэ заалтыг 2024 оны 06 дугаар сарын 05-ны өдрийн хуулиар нэмсэн бөгөөд 2024 оны 06 дугаар сарын 05-ны өдрөөс эхлэн дагаж мөрдөнө./

Гэр бүлийн хүчирхийлэлтэй тэмцэх тухай хууль

6 дугаар зүйл. Гэр бүлийн хүчирхийллийн хэлбэр

6.4.Энэ хуулийн 3 дугаар зүйлд заасан этгээд энэ хуулийн үйлчлэлд хамаарах хүний цалин хөлс, тэтгэвэр, тэтгэмж, тэдгээртэй адилтгах орлого, хуваарьт болон дундын эд хөрөнгө эзэмших, ашиглах, захиран зарцуулах эрхэд халдах, орлого олох боломжийг нь хязгаарлах, шаардлагатай хэрэгцээг нь хясан боогдуулах, тэжээн тэтгэхээс зайлсхийх болон бусад хэлбэрээр эдийн засгийн хараат байдалд оруулсан, эсхүл эд хөрөнгийн хохирол учруулсныг эдийн засгийн хүчирхийлэл гэнэ.

Эрүүгийн хууль

11.7 дугаар зүйл.Гэр бүлийн хүчирхийлэл үйлдэх

1.3.тэтгэвэр, тэтгэмж, хуваарьт болон дундын эд хөрөнгөө эзэмших, ашиглах, захиран зарцуулах эрхэд халдсан бол зургаан сараас нэг жил хүртэл хугацаагаар зорчих эрхийг хязгаарлах, эсхүл зургаан сараас нэг жил хүртэл хугацаагаар хорих ял шийтгэнэ.

/Энэ заалтыг 2024 оны 06 дугаар сарын 05-ны өдрийн хуулиар өөрчлөн найруулсан.