Эрчим хүчний зохицуулах хорооноос хэрэглээний шатлалын тарифаар үржүүлэн гаргах аргачлалыг мөрдөж байна

Эрчим хүчний зохицуулах хорооноос цахилгааны үнэ тарифыг 2024 оны 11 дүгээр сарын 15-ны өдрөөс бодит өртөгт нь хүргэх, хэрэглэгчдэд хэрэглээгээ хянах, хэмнэлт хийх сонирхлыг төрүүлэх зорилгоор хэрэглээнээс хамаарсан 3 шатлалтай болгож шинэчилсэн. Шинэчлэгдсэн үнэ тарифаар хэрэглэгчийн төлбөрийг тооцохдоо тоолуурын заалтаар гарсан нийт хэрэглээг шатлал бүрд хуваахгүйгээр өдөр, орой, шөнийн хэрэглээний заалтыг үндэслэн нийт хэрэглээнд эзлэх хувийг тооцож, хувь тус бүрийг 150 кВт.ц, 151-300 кВт.ц, 300 кВт.ц-аас дээш гэсэн хэрэглээний шатлалын тарифаар үржүүлэн гаргах аргачлалыг мөрдөж байна.