"Миний амьдрал цаашид бүрхэг болчихлоо "

Баянгол дүүргийн 22 дугаар хороонд оршин суух гэр бүлийн зургаан хүн угаартаж нас баржээ. Энэ хэрэг өнгөрсөн нэгдүгээр сарын 23-24-ний шилжих шөнө гарсан байна. 

Тэгвэл өнөөдөр хүү нь цэргийн албанаасаа чөлөө авч хэвлэл мэдээлэлд мэдээлэл өгсөн юм.

Тэрээр ”Гэр бүлээ алдах харамсалтай байна. Хөөрхөн дүү маань өөд болчихлоо, миний амьдрал бүрхэг боллоо. Ээж маань хувийн байгууллагад үйлчлэгчээр ажилладаг байсан. Ээж маань биднийг сайн харж хандаж өсгөсөн. Аавгүйгээр хүний дайтай хүн болгож өсгөсөн юм. Хамгийн том дүү энэ жил коллеж төгсөж байсан. Сургуулийнх н багш “Танай дүү хичээлдээ хамгийн түрүүнд ирдэг. Сурлага сайтай. Жүжигчин мэргэжилтэй болно гэж ярьдаг байсан” гэж хэлсэн. Дунд дүү маань гуравдугаар ангийн сурагч байлаа. Нэг дүү маань нэгдүгээр ангид орсон. Дүүгийнхээ үсэглэлийн баярыг гоё хийж өгнө гэж боддог байсан юм. Нүүрс түлээд бага насны хүүхэд угаартаж байна, зарим нь амь насаа алдлаа. Нийгэмд угаартсан олон жишээ бий. Монголчуудыг улны амьдралаар амьдруулж байна. Бүх зүйлийн татварыг нэмж, амьдрахыг нөхцөлгүй болголоо. Цалин нэмж байгаа ч доройтож байгаа. Хүмүүс өдөр хоногийн амьдралаа арай гэж залгуулж байна. Тухайлбал, тогны 700-800 мянга гарч байна. Нийгэмд өнчин хүүхдүүд, ар гэр нь бололцоогүй хүн олон бий. Ийм байхад төр нь иргэдээ бодохгүй байгаа юм. Зургаан хүний оршуулгад  улсаас таван сая төгрөг өгсөн. Нэг удаагийн нөхөн олговор өгсөн гэсэн үг. Миний энэ асуудлыг шийдэж өгөөсэй гэж хүсэж байна” гэв.