Унаач хүүхдүүдийн 81.6 хувь нь өвөл морь унах хэцүү гэж хариулжээ

Ойрын үед хаврын морин уралдааны талаар нийгмийг хамарсан хэлэлцүүлгүүд өрнөж буйтай холбогдуулан Монголын Хүүхдийн Зөвлөлөөс өөрсдийг байр суурийг илэрхийлж байна. Монгол орон дэлхийн хамгийн хүйтэн орны нэгд ёсоор тооцогддог ба хоёрдугаар сарын цаг агаар дунджаар 10-аас 20 хэмийн хооронд хэлбэлздэг. Хаврын уралдаанд их нас дунджаар 18-20 км, азарга соёолон 16-18 км замд уралдаж байгаа бөгөөд гараа хүртэлх болон эргээд уралдах зайг тооцоолбол уралдаанч хүүхэд 100-112 км замыг туулна.

НҮБ-ийн Хүүхдийн сангаас хийсэн “Хурдан морины хаврын уралдаан ба хүүхдийн эрх” судалгааны үр дүнд:

1. Асуулгад оролцсон хүүхдүүдийн 71.6 хувь нь бэртэл гэмтэл хамгийн их гардаг улирлаар хаврын улирлыг, хурдан морь унах хамгийн муухай хэцүү улирлаар 81.6 хувь нь өвөл цастайд гэж хариулсан.

2. Уралдаанч хүүхдүүд "Ер нь хавар уралдаан хийхгүй, зөвхөн зун уралддаг бол ямар вэ?" гэсэн асуултад 56.5 хувь нь зөвхөн зун уралдаад, өвөл хавар хичээлдээ явж байвал зүгээр гэж хариулсан байна.