2024 он: Үе тэнгийнхний дээрэлхэлтэд 1343 хүүхэд өртжээ

 Гэмтэл Согог Судлалын Үндэсний Төвөөс зөвлөгөө мэдээллийг хүргэж байна. 

Учир нь тус төвд 2024 онд сургуулийн орчинд үл таних болон үе тэнгийнхний дарамт дээрэлхэлтэд өртсөний улмаас тусламж үйлчилгээ авахаар 1343 хүүхэд ханджээ. ГССҮТ-ийн Яаралтай тусламжаар үйлчлүүлсэн үе тэнгийн дээрэлхэлтэд өртсөн хүүхдүүдийн гэмтлийн хэлбэрт, 
- Толгой доргих
- Зөөлөн эдийн гэмтэл
- Хамар хугарах
- Гарын хуруу үе мултрах
- Тохой шуу хугарах
- Эгэм хугарах зэрэг гэмтэл түгээмэл байна.  

Дээрэлхэлтийг таслан зогсоох боломжтой хүмүүс нь сургуулийн багш нар, сургуулийн автобусны жолооч, эцэг, эх асран хамгаалагч, цагдаа, нийгмийн ажилтан, сэтгэл зүйч болон сургуулийн ойр орчимд үйлчилгээ үзүүлж буй үйлчилгээний газрын ажилтнууд юм. Мөн хүүхдийн тусламжийн 108 дугаарт мэдээлэл өгөх боломжтой юм. Аюулгүй ирээдүйг хойч үедээ өвлүүлэн үлдээхэд хүн бүрийн оролцоо чухал бөгөөд хүчирхийллийн хажуугаар чимээгүй өнгөрч болохгүйг санууллаа.  

Дээрэлхэлт гэж юу вэ? 

"Сэтгэл санаа, биеийн эрүүл мэндэд заналхийлсэн үг яриа, үйлдлийг давтамжтай ашиглахыг хэлнэ"