Цагаан сар, наадмаар 10 хоног амрах хуулийн төсөл өргөн барихаар зэхэж байна

Цагаан сараар шинийн 1, 2, 3-нд буюу баярын гурав хоног бүх нийтээр амардаг.  Цагаан сарын  амралтын хоногийг нэмэх талаар олон нийтийн санал гарсан. Энэ жилийн Цагаан сарын өдрүүд амралтын хоёр өдөр таарч байгаа учраас хөдөө орон нутаг рүү явах боломж бүрдэхгүй байгаа юм. 

 Засгийн газраас буюу Гэр бүл, хөдөлмөр нийгмийн хамгааллын сайд Л.Энх-Амгалан Нийтээр тэмдэглэх баярын болон тэмдэглэлт өдрүүдийн тухай хуульд нэмэлт, өөрчлөлт оруулах хуулийн төслийг өргөн барихаар бэлтгэж байгаа аж. Тус өөрчлөлтөөр Цагаан сар болон Үндэсний их баяр наадмаар тус бүр 10 хоног амарна. Хуульд өөрчлөлт оруулахдаа, нийтээр амардаг баярын өдрийн тоог нэмэлгүйгээр зохицуулахаар төлөвлөж байгаа аж. Тодруулбал, Олон улсын эмэгтэйчүүдийн эрхийг хамгаалах өдөр, Бурхан багшийн дүйчин өдөр гэх мэт нэг өдөр амардаг өдрүүдийг бүх нийтийн амралтын өдөр бус тэмдэглэлт өдөр болгон өөрчлөх нь. Засгийн газар Цагаан сар, наадмаар 10 хоног амрах хуулийн төсөл өргөн барьсны дараа УИХ-аар хэлэлцэн хоногт өөрчлөлт оруулна.