З.Санждорж нарт холбогдох шүүх хурал хойшиллоо

Эх орноосоо урваж, гадаадын тагнуулын байгууллагатай хамтран ажилласан гэх хэрэгт яллагдагчаар татагдсан З.Санждорж, Д.Бямбажав нарын хэргийн урьдчилсан хэлэлцүүлэг өнөөдөр /2025.01.16/ товлогдсон. Гэвч шүүгч хэргийн материалтай танилцана гэх шалтгаанаар шүүх хурал ирэх хоёрдугаар сарын 12-ны өдөр хүртэл хойшилсон байна. Өмнө нь хэргийн урьдчилсан хэлэлцүүлгийг 2024 оны аравдугаар сарын 29, арваннэгдүгээр сарын 28, арванхоёрдугаар сарын 19-нд хаалттай хийхээр товлосон ч гурван удаа хойшлогдсон байдаг. 

Хэргийг тодруулбал, Тагнуулын ерөнхий газраас өнгөрсөн гуравдугаар сард /2024.03.29/ Монгол Улсад тагнуул хийж байсан гадаадын нэг иргэн болон эх орноосоо урвасан гэх иргэдийг баривчилж, саатуулсан талаар мэдээлж байсан юм. Тэднийг Эрүүгийн хэрэг хянан шийдвэрлэх тухай хуулийн 19.4.1 зүйл ангиар яллажээ.