Жүдо бөхийн холбоо: Хуулийн байгууллагаар асуудал эцэслэгдсэний дараа хариуцлага тооцно

Жүдо бөхийн шүүгч Т.Энхцэцэг шавиа шатнаас түлхэж, зодсон асуудал олон нийтэд анхааралд  өртсөн юм. Энэ үйлдэл нь хяналтын камерт бичигдсэн бөгөөд өнгөрсөн баасан гарагт жүдо бөхийн УАШТ тэмцээний үеэр болжээ. Т.Энхцэцэгийн шавь Х тархиндаа цус харваж ГССҮТ-д эмчлүүлж байгаа юм. Хохирогч Х нь жүдо бөхийн тамирчин, дасгалжуулагч байсан аж.

Монголын жүдо бөхийн холбооноос дасгалжуулагч Т. Энхцэцэгт ямар хариуцлага тооцох талаар холбогдож тодруулахад “Багш, шавь хоёрын асуудал одоогоор хуулийн байгууллагаар шалгагдаж байгаа. Хуулийн байгууллагын шийдвэрийн дараа бид шүүгчдээ хариуцлага тооцно” гэв.