Ч.Батзориг: Хэрэв хуучин автобус дунд нь байвал хүлээж авахгүй, буцаана, автобусыг төрийн нууцад аваагүй

Нийтийн тээврийн парк шинэчлэлээр авч байгаа автобуснуудыг хуучин гэх мэдээлэл цахим орчинд түгсэн. Үүнтэй холбоотойгоор холбогдох албаныхан мэдээлэл өглөө.

Энэ талаар нийслэлийн Худалдан авах ажиллагааны газраас  "Их, дунд, их багтаамжийн цахилгаан автобус гэсэн гурван төрлийн автобусыг  худалдан авахаар худалдан авах ажиллагааг зохион байгуулсан. Нийт долоон компаниас санал авч хамгийн бага үнийн санал ирүүлсэн компанийг шалгаруулсан. Улмаар цахилгаан автобус цэнэглэх төхөөрөмжийг үнэгүй нийлүүлэх, цахилгаан автобусыг илүү тоогоор нийлүүлэх санал ирүүлсэн "Тэнүүн Огоо" компанийг шалгаруулсан. Их багтаамжийн автобусыг 330 сая төгрөгөөр,  дунд багтаамжийн автобусыг 218 сая төгрөгөөр, их багтаамжийг цахилгаан автобусыг 626 сая төгрөгөөр нийлүүлэхээр болсон" гэсэн тайлбар өглөө.

Мөн Нийслэлийн нийтийн тээврийн газрын дарга С.Жавхлантбаатар "Өнөөдрийн байдлаар цахилгаан 55 автобус орж ирээд үйлчилгээнд явж байгаа евро брэндийн 100 автобус орж ирсэн. Цахим орчинд сэдэв болсон 80 автобусыг газар дээр нь очиж үзлээ. Бидний зүгээс Daewoo Bus компанийн үйлдвэрээс нийлүүлсэн автобус шинэ үү, хуучин уу гэх асуудлаар мэргэжлийн хүмүүс хяналт хийлгэхээр болсон. Улс орнуудад үйлдвэрлэгдэж байгаа тээврийн хэрэгслүүдийн ципр нь латин үсгээр тодорхойлогдсон байна. Арлын дугаарын латин үсэг нь 30 жилийн давтамжтай ашиглагддаг. 1992 онд ашиглагдсан бол 2022 онд дахин ашиглагддаг гэсэн үг" гэлээ. 

Нийслэлийн нийтийн тээврийн газрын тээвэр төлөвлөлтийн газрын дарга Б.Тамир " Мэргэжлийн хүмүүсийн дүгнэлтээр хуучин автобус гэдэг нь тогтоогдвол МУ-д мөрдөгдөж байгаа хууль тогтоомжийн дагуу автобусыг буцаана. Гэхдээ хуучин автобус байхгүй гэдэгт бүрэн дүүрэн итгэлтэй байна" гэлээ.