ЗЭЭЛЭЭ ТӨЛ: Ж.Энхбаяр 20 жилийн өмнө авсан зургаан мянган ам.долларын зээлээ төлөөгүй

 Боловсролын зээлийн сангийн жагсаалтыг ҮАБЗ-ийн Нарийн бичгийн дарга  Ж.Энхбаяр үргэлжлүүлж байна. Тэрээр 2003 онд Нидерланд улсын Маастрихтын удирдлагын сургуульд суралцахдаа 6 мянган ам.долларын зээл авсан бөгөөд энэхүү зээлээ төлөөгүй байна. Түүний хувьд  УИХ-ын Аюулгүй байдал, гадаад бодлогын байнгын хорооны дарга болон Батлан хамгаалахын сайдаар ажиллаж байсан юм.­­­­­­­­­­

2.2 тэрбум төгрөгийн орлого, 1.4 тэрбум төгрөгийн үл хөдлөх хөрөнгөтэй гэж ХОМ мэдүүлсэн атлаа 20 жилийн өмнөх 6 мянган ам.долларын өрөө өнөөдрийг хүртэл төлөөгүйг юу гэж хэлэх вэ. Боловсролын зээлийн сангаас зээл авч гадаад улсад сураад зогсохгүй ЖДҮ-ийн сангаас хамаарал бүхий компаниудаараа зээл авч явсан түүхтэй. ЖДҮ сангийн зээлээр бизнесээ босгосон гэх ч яриа байдаг юм.