Ш.Раднаасэд: Төл гэвэл өөр газраас зээлээд төлнө, шууд тийм их мөнгийг гаргаж өгөх боломжгүй байна

УИХ-ын гишүүн Ш.Раднаасэд өөрийн охин Р.Сийлэнг 2014 онд АНУ-ын Вашингтоны Их сургуульд Эрх зүйн чиглэлээр суралцуулахдаа Боловсролын зээлийн сангаас 165 мянган ам.долларын зээл авч байжээ. Тухайн үед Ш.Раднаасэд нь УИХ дахь МАН-ын бүлгийн Ажлын албаны даргаар ажиллаж байжээ. Раднаасэдийн Сийлэнгийн зээлийн эргэн төлөлт хийгдээгүй бөгөөд энэ талаар түүнээс тодруулахад “Төл гэвэл өөр газраас зээлээд төлнө, шууд тийм их мөнгийг гаргаж өгөх боломжгүй байна” гэлээ. 

Р.Сийлэн тус сургуулийг 2018 онд төгсч, Монголдоо ирээд Үндэсний хөгжлийн газарт мэргэжилтнээр ажилд орсон байдаг. Тухайн үед Р.Сийлэн 270 сая төгрөгийн орон сууц, барилга байгууламж, 180 сая төгрөгийн газар, 161 сая төгрөгийн хадгаламж, Хан-Алтай ХХК, Мон Жаст ХХК-д хувьцаа эзэмшдэг болохоо ХОМ-тээ дурдаж байжээ. 

Дашрамд дурдахад, УИХ-ын гишүүн Ш.Раднаасэднь хамаарал бүхий “Гэга"," Гэрдсанаа" "Дэл гэр баянговь, "Сэлши үүр”, "Алиман төгс буян" ХХК-аараа дамжуулан ЖДҮ-ийн сангаас тус бүр 1.6 тэрбум төгрөгийн зээл, үеэл Д.Ганзоригийн “Арованна” ХХК-иар дамжуулан ХААДС-ийн 4.5 тэрбум төгрөгийн зээлавч байсан түүхтэй. Үүгээр зогсохгүй АТГ-аас зарласан нүүрсний хулгайд холбоотой УИХ-ын долоон гишүүний нэг нь тэр юм.