БОЛОВСРОЛЫН ЗЭЭЛ: Боловсролын зээлийн сангийн дарга Д.Гарди өөрийн 32 мянган ам.долларын зээлээ тэглүүлжээ

Боловсролын зээлийн сангаас зээл авсан хүмүүсийн 90 хувь нь өндөр албан тушаалтан, мэдээлэлд ойрхон хүмүүсийн хамаарал бүхий этгээдүүд. Өнөөдрийг хүртэл 99 хувийн эргэн төлөлтгүй явж ирсэн Боловсролын зээлийн сангийн дарга удирдлагууд өөрсдөө сангаасаа зээл авч, авсан зээлээ тэглүүлжээ.  

Боловсролын зээлийн сангийн дарга Д.Гарди. ОХУ-ын ГХЯ-Дипломат Академид Олон улсын харилцааны чиглэлээр 2014-2016 онуудад суралцахдаа 32 мянган ам.доллар буюу 110 сая төгрөгийн зээл авчээ. Уг зээлээ Боловсрол Шинжлэх ухааны сайд асан Л.Цэдэвсүрэнгийн үед буюу 2020 оны 12 дугаар сард тэглүүлсэн байна.

Мөн тус сангийн захиргаа удирдлагын хэлтсийн дарга Г.Батнэмэх нь Английн Cecos Лондон коллежид бизнесийн удирдлагын чиглэлээр 2009-2011 онуудад суралцсан. Ингэхдээ 32 мянган ам.доллар буюу 110 сая төгрөгийн зээл авч, 2022 оны 3 дугаар сард буюу Л.Энх-Амгалан сайдын үед зээлээ тэглүүлжээ. Мэдээлэлд ойр боломжоо ашиглан өөрсдөд болон хамаарал бүхий этгээдүүдэд зээл олгосон 200 гаруй тохиолдол байгаа бөгөөд энэ нь нийт зээлийн 10 хувьтай тэнцэж байгаа юм.

БЗС-ийн ажлын албаны дарга Д.Гарди

ОХУ-ын ГХЯ-Дипломат Академид Олон улсын харилцааны чиглэлээр

2014-2016

32000 $  

БЗС-ийн захиргаа удирдлагын хэлтсийн дарга Г.Батнэмэх

Английн Cecos Лондон коллежид бизнесийн удирдлагын чиглэлээр

2009-2011

32000 $