​ Б.Отгонбаярын алга болон ар дээр солбиж суниан Гиннессийн шинэ амжилт тогтоох үзүүлбэр ирэх 9 дүгээр сарын 25 нд болохоор товлогджээ

Олон улсын таеквондогийн дэлхийн аварга, дэлхийн аваргын хошой мөнгөн медаль, Ази тивийн аварга ОУХМ Батбаярын Отгонбаяр гарынхаа алга болон ар дээр солбиж суниан Гиннессийн шинэ амжилт тогтоохоор бэлтгэл сургуулилтаа хийгээд багагүй хугацаа өнгөрсөн. Суниалтын төрлийн олон дээд амжилт байдаг ч түүнийх шиг солбиж суниасан амжилт байдаггүй тул энэ нь дэлхийд бүртгэгдээгүй шинэ Гиннессийн амжилт болох юм.
Ямар нэг авьяас чадвараа энэ ертөнцийн бүх хүнээс хамгийн дээд хэмжээнд хүргэж албан ёсоор хүлээн зөвшөөрүүлэхийг Гиннесийн амжилт гэдэг.
Б.Отгонбаярын гар дээр суниалтын гиннесийн дээд амжилт тогтооход бэлэн болжээ. Дөнгөж сая Гиннесийн хорооноос ирэх шүүгчдийн зардал болох 26 сая төгрөгөө тушаачхаад ийнхүү сэтгэл дүүрэн гарч ирж байна.
Одоо түүнд дээд амжилтыг амжилттай тогтоох ганц л ажил үлдлээ. Гиннесийн амжилт тогтоох үзүүлбэр ирэх есдүгээр сарын 25 ны өдөр Улаанбаатар хотноо болохоор товлогдсон байна.

Цөөхөн Монголчуудын нэг нь 7 тэрбум хүнээс ганцаараа онцгой чадвартай байж чадна гэж бодохоор бахархаж байна шүү залуу минь. Зорилгодоо заавал хүрээрэй