Г.Сайханбаяр: Монгол Улс тэнгисийн цэргийн хүчингүй, сургуулилалт хийж байгаа мэтээр ташаа мэдээлэл явж байна

Батлан хамгаалахын сайд Г.Сайханбаяр:  "Монгол Улсын батлан хамгаалах яам цэргийн дипломат ажлынхаа хүрээнд 40-өөд улстай батлан хамгаалах хамтын ажиллагаатай. Цэргийн харилцаа, сургуулилттай холбоотой асуудал тодорхой хэмжээнд хаалттай байдаг. Бид дипломат харилцаатай 10 орчим улстай хоёр талын хамтарсан цэргийн сургуулилт хийж байна.

2022 онд гэхэд л АНУ-тай долоон удаа цэргийн хамтарсан ажиллагаа зохиосон. ОХУ-тай хоёр удаа хоёр талын хамтарсан цэргийн ажиллагааг явуулсан. ХБНГУ, Турк, Катар, Япон зэрэг улсуудтай хоёр талын цэргийн сургуулилт хийж байна. 

ОХУ-д цэргийн сургалтын төвд 15 орон ажил гүйцэтгэж байна. Үүнд Монголын цэргүүд мөн бий. Монгол Улс тэнгисийн цэргийн хүчингүй. Харин цахим орчинд Монголын тэнгисийн цэргүүд өөр улсад тэнгисийн цэргийн үүрэг гүйцэтгэж байгаа мэт мэдээлэл түгээжээ. Мөн наймдугаар сарын 6-9-ний хооронд зохиогдсон “Сэлэнгэ-2022” сургуулилттай холбоотой мэдээлэл сөхөгдлөө. Наймдугаар сарын 12-ны өдөр ОХУ-ын бүх цэргийн алба хаагчид техник хэрэгсэлтэйгээ хамт Монгол Улсын хилээр гарч явсан. Тиймээс худал мэдээлэл түгээхгүй байхыг хүсье" гэв.