С.Эрдэнийн биед халдахаар завдсан Д.Алтанхуягийг саатуулжээ

Сүхбаатар дүүргийн 8 дугаар хорооны нутаг дэвсгэрт байрлах “Соёлын төв өргөө”-нд 2022 оны 07 дугаар сарын 02-ны өдрийн 13 цагийн үед Ардчилсан намын 14 дүгээр  Их хурал зохион байгуулагдсан билээ. 

Уг хурлын үеэр "Зэс Эрдэнийн хувь" компанийн Д.Алтанхуяг  заалны тайз руу гарч үг хэлж байсан АН-ын дарга С.Эрдэнийг түлхэн унагаж, бие, эрх чөлөөнд нь халдсан асуудлаар цагдаагийн байгууллагад дуудлага мэдээлэл ирүүлснийг хүлээн авч, Сүхбаатар дүүрэг дэх цагдаагийн газрын Нэгдүгээр хэлтэс шалгалтын ажиллагаа явуулж, улмаар түүнийг 48 цагийн хугацаатай саатуулан хорьжээ. 

Дээрх үйлдэл нь Эрүүгийн хуулийн 10.1-2 дахь хэсэгт заасан өс хонзон, хувийн тааламжгүй харилцааны улмаас бусдын амь насыг хөнөөхөөр завдах гэсэн гэмт хэргийн төрөлд хамаарагдах аж.