Л.Оюун-Эрдэнэ: Дарханы замын ажлыг гүйцэтгэгчийг шалгаруулсан албан тушаалтнуудыг АТГ-т өгнө, аудит оруулна

Ерөнхий сайд Л.Оюун-Эрдэнэ Дархан-Улаанбаатар чиглэлийн автозамын өргөтгөл шинэчлэлийн ажилтай танилцаж байна. Үүссэн асуудлыг газар дээр нь шийдэхээр Засгийн газрын гишүүдийн хамт ажиллаж байна.

Ерөнхий сайд Л.Оюун-Эрдэнэ ажлын гүйцэтгэгч Хятад компаниудад хандаж "Чадахгүй гэж байгаа бол энэ ажлаас гарцгаа" хэмээн хатуу анхаарууллаа. Түүнчлэн "Жанжин штабаас бусад ажил сайжраагүй байна. Би та нартай ямар нэг байдлаар тоглоом тоглох гэж ирээгүй. МУ-ын ЗГ өгсөн мөнгөнийхөө хариуд шаардлагаа тавина. Та нарын шалгаруулсан албан тушаалтнуудыг АТГ-т өгнө. Ажлын гүйцэтгэл дээр Азийн хөгжлийн банкнаас Аудит оруулах саналыг тавина. Тиймээс та нөхөд санхүүжилтэй аваад ажлаа хийвэл хий, үгүй бол энэ ажлаас гарч болно" гэсэн юм.