Завхан аймагт дулааны эх үүсвэрийг нэмэгдүүлж, Арцсуурь-Нарийнсухайт -Шивээхүрэн чиглэлийн 1255 км төмөр замын төслийг эхлүүлнэ

О.Шүрэнцэцэг
2022/06/28

Монгол Улсын Ерөнхий сайд Л.Оюун-Эрдэнэ Завхан аймагт ажиллах үеэрээ иргэдтэй уулзалт хийлээ.

 Ерөнхий сайд Л.Оюун-Эрдэнэ Засгийн газраас хэрэгжүүлж буй бодлого, үйл ажиллагаа, цар тахал, улс орны эдийн засаг, дэлхий дахины геополитикийн нөхцөл байдал, үүнээс үүдсэн хүндрэлүүд, авч буй арга хэмжээний талаар ярьж “Шинэ сэргэлтийн бодлого”-ын хүрээнд хэрэгжүүлж буй томоохон төсөл хөтөлбөрүүдийн талаар танилцуулан,  авилга, хүнд суртлын эсрэг тэмцэл, ҮХНӨ хийх хэрэгцээ шаардлага, Завхан аймгийн хөгжлийн талаар ярилцлаа.
 
Аймгийн иргэд Монгол Улсын Ерөнхий сайд 12 жилийн дараа Завхан нутагт ирсэнд, 12 жил хүлээгдсэн Улиастай-Тосонцэнгэл чиглэлийн зам ашиглалтад орсонд баяртай байгаагаа хэлж, “Шинэ сэргэлтийн бодлого”, шударга бусын эсрэг хийж буй Засгийн газрын тэмцлийг дэмжиж буйгаа илэрхийлж байлаа.  Харин цаашид төрийн албан хаагчдын нийгэм, эдийн засгийн байдалд анхаарах, Завхан аймагт хийхээр төлөвлөсөн томоохон төслүүдийг дэмжих, барилгын материалын үнэ ханш өссөнтэй холбоотой барилгын компаниудад үүссэн асуудлыг шийдвэрлэх, бензин шатахууны үнийн өсөлтийг хязгаарлах, дулаан цахилгааны нэмэлт эх үүсвэртэй  болох зэрэг асуудлуудыг шийдвэрлэх шаардлагатай байна гэж ярилаа.


 
Завхан аймаг 73,8 мянган хүн амтай. Эдийн засгийн тулгуур салбар нь мал аж ахуй, энэ онд 3,7 сая мал тоолуулжээ. Гэхдээ дэд бүтэц, дулаан, цахилгааны дутагдал нь тус аймгийн хөгжлийг чөдөрлөж иржээ. Шинэ сэргэлтийн бодлогын хүрээнд Монгол Улсын хөгжлийг хязгаарлагч зургаан хүчин зүйлийг шийдэхээр Засгийн газар ажиллаж, орон нутагт тулгамдсан асуудлыг шийдэхэд иргэдийн оролцоог хангаж, санал авч байна. Завхан аймгийн иргэд дараах төсөл, ажлуудыг нэн тэргүүнд хийх шаардлагатай гэж үзлээ. Үүнд Улиастай суманд баригдаж буй дулааны станцын 2-р хэлхээний гадна дулааны 9,8 км шугамын ажлыг 2023 оны төсөвт тусгаж эхлүүлэх, Арцсуурь-Нарийнсухайт -Шивээхүрэн чиглэлийн 1255 км төмөр замын төслийг эхлүүлж, Арцсуурь хилийн боомтын зэрэглэлийг нэмэгдүүлэх, Нөмрөг-Улаангом чиглэлийн А18 дугаартай автозамаас Арцсуурь хилийн боомт хүртэлх 159,5 км хатуу хучилттай авто зам барих, “Шинэ Завхан” төслийн хүрээнд Улиастай сумын Өлзийт багт 640 хүүхдийн хичээлийн байр, спорт заал, 150 хүүхдийн цэцэрлэгийн байр шинээр барих, Улиастай сумын Богд-Чигэстэй голын 290,3 м урт төмөр бетон гүүрийн барилга барих ажлууд багтаж байна. Засгийн газар энэ зун Бичигт-Зүүнхатавч, Арцсуурь-Шивээхүрэнгийн зүүн болон баруун чиглэлийн босоо тэнхлэгийн төмөр замын бүтээн байгуулалт, Ульхан, Хавиргын боомтыг авто замаар холбох бүтээн байгуулалтын ажлыг эхлүүлэхээр төлөвлөж байгааг Ерөнхий сайд энэ үеэр хэллээ.


 
Ерөнхий сайд Л.Оюун-Эрдэнэ Завхан аймагт ажиллах үеэрээ МУИС-ийн Завхан салбар сургуулийн үйл ажиллагаатай танилцлаа. Тус сургууль 960 оюутны хүчин чадалтай ч өнөөдрийн байдлаар бакалавр, магистрын ангид 225 оюутан суралцаж байна. Их, дээд сургуулийн элсэлтийн квотод хязгаар тогтоодоггүйгээс оюутны тоо орон нутагт буурчээ. Тиймээс дээрх зохицуулалтыг өөрчлөх, орон нутагт чадварлаг багш, боловсон хүчнийг татах, оюутнуудын сурах идэвхийг дэмжих шаардлагатай байгааг сургуулийн удирдлагууд хэллээ. Ерөнхий сайд орон нутаг дахь их, дээд сургуулиудын тулгамдсан асуудлуудыг судлах ажлын хэсэг байгуулахаар шийдвэрлэж, саналыг хэлэлцэхээр боллоо.
Ерөнхий сайд Завхан аймгийн залуусын төлөөлөлтэй мөн уулзаж, алсын хараатай сурч ажиллах, өндөр боловсрол эзэмших талаар ярилцлаа.


1
angry
0
care
0
haha
0
liked
0
love
0
sad
1
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
М.Баярмагнай эмчээр ахлуулсан баг бамбай булчирхайн зангилаа авах дурангийн мэс заслыг амжилттай нэвтрүүллээ 2 цагийн өмнө
Ч.Номин: Энэ жил 200 орчим тэрбум төгрөгийн зээл олголтын 50 орчим хувь нь амралтын газар, жуулчны бааз руу чиглэнэ 2 цагийн өмнө
Ж.Амарсанаа: Манай бэр, хүү, ач нарын зургийг хүртэл гаргаад яриа өрнүүлээд байгаад би үнэхээр харамсаж байна 3 цагийн өмнө
Эмийн үйлдвэрийн газар 443 сая 520 мянган төгрөгөөс эхэлж 9.3 тэрбум төгрөгөөр зарагджээ 3 цагийн өмнө
Хүний эрхийн Үндэсний Комисс БНСУ-ын хилийн гомдол, мэдээллийг хүлээн авч байна 4 цагийн өмнө
​“Сайт_дээр_таны_зураг_байна” гэх утга бүхий хортой холбоос дээр бүү дараарай 4 цагийн өмнө
Эрүүл мэндийн тусламж, үйлчилгээ худалдан авах 2025 оны гэрээ байгуулсан байгууллагуудын жагсаалт гарчээ 4 цагийн өмнө
​Сүхбаатар аймгийн Эрдэнэцагаан суманд гарсан түймэрт 1650 га талбай өртжээ 4 цагийн өмнө
Л.Гантөмөр: Ардчилсан нам засагт байлгаад өгөөч гэж хэзээ ч гуйхгүй 4 цагийн өмнө
Т.Доржханд: ХҮН нам Засгийн газарт байх эсэхээс үл хамаараад хамтарсан засгийн газар цаашаа явах ёстой 4 цагийн өмнө
Ч.Лодойсамбуу: Засгийн газрыг авч үлдэхийн тулд хоёр триллион төгрөг зарцуулна гэсэн асуудал яригдаж байна 5 цагийн өмнө
М.Нарантуяа: Хүмүүс их зальтай болсон. Өөрийнх нь эрх ашиг хөндөгдөхөөр тэмцэгчийн дүрд хувирдаг 5 цагийн өмнө
Нийтийн албан тушаалтны хууль бус хөрөнгийг хураан авах, нөхөн төлүүлэх тухай хуулийн төслийг хэлэлцээд УИХ-д өргөн мэдүүлэхээр тогтлоо 5 цагийн өмнө
Алтай, Хангай, Хөвсгөлийн уулархаг нутгаар бороо, нойтон цас орно 5 цагийн өмнө
Ч.Ундрам: Хамтарсан намууд нэгдмэл байж чадахгүй байна 5 цагийн өмнө
Улаанбурхан өвчний лабораториор батлагдсан тохиолдол 2682 боллоо 6 цагийн өмнө
Дуучин Ailee Монголд ирнэ 6 цагийн өмнө
“Хүүхэд бүр ялагч-Хүүхэд бүр хамгаалагч” хүүхдийн марафоны бүртгэл эхэллээ 6 цагийн өмнө
Ж.Үүрийнтуяа: Айл бүр хашаандаа мод тарьдаг болоосой гэж хүсдэг 6 цагийн өмнө
Өнөөдөр зургаан дүүрэг, нэг аймагт цахилгаан хязгаарлана 7 цагийн өмнө