МАН-ын бүлэг хуралдаж, гишүүдийн тойрогтоо ажилласан саналыг сонсоно​​

УИХ-ын гишүүд өнгөрсөн долоо хоногт тойрогтоо ажиллаж, өнөөдрөөс парламентын үйл ажиллагаа эхэлж байна.  Тодруулбал, Монгол Улсын Үндсэн хуульд нэмэлт, өөрчлөлт оруулах, эсэх асуудлаар иргэдийн оролцоо, ил тод байдлыг хангах ажлыг зохион байгуулах тухай УИХ-ын тогтоолын хүрээнд гишүүд тойрогтоо ажиллаж, санал хүсэлтүүдийг нь сонссон.

Тиймээс өнөөдөр /2022.06.28/ УИХ дахь МАН-ын бүлэг 15 цагаас хуралдаж Үндсэн хуулийн нэмэлт, өөрчлөлтөөр иргэдийн санал, дүгнэлтийг нэгтгэж өргөн хүрээнд хэлэлцэхээр болжээ. 

Үндсэн хуулийг нэмж, өөрчлөх эсэх талаар иргэдээс дөрвөн бүлэг, 11 сэдвээр саналыг нь авсан. Тодруулбал, 

•  Хүний эрхийн талаарх Үндсэн хуулийн хамгаалалтыг бэхжүүлэх талаар,
•  Ард түмнийг төлөөлөх парламентын чадавх, хариуцлагыг нэмэгдүүлэх талаар
•  Хот, хөдөөгийн хөгжлийг дэмжих, нутгийн удирдлагын тогтолцоог сайжруулах талаар,  
• Монгол Улсын төрийн сүлдийг сайжруулах талаар гэсэн дөрвөн бүлгийн хүрээнд иргэдийн саналыг асуужээ.