Найз охинтой нь мессеж бичсэн гэх шалтгаанаар 16 настай хүүг бүлэглэн зоджээ

Баянгол дүүргийн 11 дүгээр хорооны нутаг дэвсгэрт байрлах 12 дугаар байрны гаднах Хүүхдийн тоглоомын талбайд 2022 оны 03 дугаар сарын 09-ны өдөр өсвөр насны хүүхдүүд нэгнээ бүлэглэн зодсон бичлэг олон нийтэд дэлгэгдсэн.

Хэргийг тодруулбал, 16 настай Б, Г нар нь найз охинтой мессеж бичсэн гэх шалтгааны улмаас 16 настай “М”-г бүлэглэн зоджээ.

Уг хэргийг Шүүх шинжилгээний үндэсний хүрээлэнд шинжээч томилж шинжилгээ хийлгэн, холбогдогч нарыг эрэн сурвалжилж, зарлан олж тогтоон мэдүүлэг авч Баянгол дүүргийн цагдаагийн нэгдүгээр хэлтсээс Мөрдөн шалгах ажилгааг явуулж байна.