Хосууд: Онгоцноос цэнхэр утаа гарахад хүүтэй болсноо мэдсэн, маш их баярласан

 Намуухан яриа, тайван байдал мэдрэгдэх залуу гэр бүлийн төлөөллийг та бүхэндээ онцлон хүргэж байна. Гэрийн эзнийг Ц.Баянбаатар гэдэг. Батлан хамгаалах яамны хэвлэлийн албанд ажилладаг. Харин эхнэр А.Азжаргал нь Тв-8 телевизнд сэтгүүлч мэргэжлээр ажилладаг. Тэд шинэ хүнээ удахгүй өлгийдөн авна. Хүүхдийнхээ хүйсийг хоёулаа гэнэтийн сонирхолтой байдлаар мэдэхээр төлөвлөж, Улаанбаатар налайх чиглэлийн онгоцыг хуваарийн дагуу нисэхэд нь гуйж, амьдралынхаа нэгэн дурсамжийг бүтээжээ.

Эхнэр А.Азжаргал: Жирэмсэн болоод хүүхдийнхээ хүйсийг эмчээрээ хэлүүлэлгүй цаасан дээр бичүүлээд авчихаарай гээд хүмүүс хэлсэн. Тэгээд шаар хагалж хүйсийг нь мэднэ дээ гээд бодчихсон явж байсан чинь манай хүн нэг онгоцтой бичлэг үзүүлсэн. Тэр үед би арай л боломжгүй, бүтэхгүй байх аа гэж бодож байсан. Онгоцыг дураараа нисгэж чадахгүй болохоор олон сар хүлээгээд сүүлдээ шаараа хагалж хүйсийг нь мэдье гээд бодож байсан. Бид хоёр хоёулаа хүйсийг нь мэдэхгүй байсан. Хүү ч байсан охин ч байсан хоёулаа л бурханы бэлэг гэж боддог. Гэхдээ миний хувьд "хүү" байх гэж бодож байсан. Учир нь жирэмсэн болоод удаагүй байхдаа "хүү байна" зүүдэнд орж ирсэн юм.

Гэрийн эзэн Ц.Баянжаргал: Удам залгах нуган үртэй болно гэдэг чинь бахдалтай зүйл шүү дээ. Онгоцноос цэнхэр утаа гарч байхыг хараад дотроо маш их баярлаж, гоё мэдрэмж төрсөн. Намайг дуурайсан, миний нэг хувилбартай болно гэхээр маш сайхан. Эхнэр маань жирэмслээд нэг сар болж байхад аав маань бурханы оронд одсон. Тийм учраас аав минь надад "хүү" болоод ирж байгаа юм шиг л санагдаж, их билэгшээлтэй байна. Бид хоёрт зориулж онгоц нисээгүй, зүгээр л хуваарийн дагуу нисэж байсан онгоцыг хөөрөхдөө хальтхан утаа гаргаад өгөөч л гэж хүссэн.

Видеог үзэх: