ҮХНӨ-ийн асуудлаар гишүүд тойрогтоо ажиллаж, чуулган завсарлалаа

Ирэх долоо хоногт УИХ-ын гишүүд тойрогтоо ажиллаж, Үндсэн хуульд оруулах нэмэлт өөрчлөлтийн талаар иргэдэд танилцуулж мэдээллээр хангах, санал авах ажлыг зохион байгуулах учраас чуулганы хуралдаан болон байнгын хороод хуралдахгүй. 

Үндсэн хуулийг нэмж, өөрчлөх эсэх талаар иргэдээс дөрвөн бүлэг, 11 сэдвээр саналыг нь авна.

Тодруулбал,

• Хүний эрхийн талаарх Үндсэн хуулийн хамгаалалтыг бэхжүүлэх талаар, 
• Ард түмнийг төлөөлөх парламентын чадавх, хариуцлагыг нэмэгдүүлэх талаар
• Хот, хөдөөгийн хөгжлийг дэмжих, нутгийн удирдлагын тогтолцоог сайжруулах талаар,
•  Монгол Улсын төрийн сүлдийг сайжруулах талаар гэсэн дөрвөн бүлгийн хүрээнд иргэдийн саналыг асууна.