Н.Учрал: Улстөрчдөд мэдэхгүй ч юм алга, орохгүй ч юм алга

Үндэсний их баяр наадмын тухай хуулийн шинэчилсэн найруулгын төслийг хэлэлцэх явцад гишүүдийн дунд шүүмжлэл дагуулсан олон заалт байгаа  юм. 

Тэгвэл үүнийг УИХ-ын гишүүн Н.Учрал шүүмжилж, улстөрчдөд мэдэхгүй ч юм алга, орохгүй ч юм алга" хэмээгээд тэрбээр  “Баяр наадмын тухай  батлагдснаар холбоодын зөрчил нь дуусахгүй нь.Уяачдын гурван холбоотой болчихлоо, аль холбоотой нь харьцах уу зэрэг асуудал үүсдэг юм байна шдээ. "Мэргэжлийн холбоодын тухай хуулийг гаргаад өгөөч" гээд би олон жил ярьж байгаа. Баяр наадмыг зохион байгуулах хороо нь холбоонд нь эрх мэдлийг нь өгчихөөч. Улстөрчдөд мэдэхгүй ч юм алга, орохгүй ч юм алга. Хийх, байхаа олж ядсан юм шиг л аварга, арслангийн цол яриад л одоо больмоор байна. Намайг боловсролын хууль ярихаар “Чи ашиг сонирхлыг зөрчилтэй” гэдэг. 

Наадмын хууль дээр орж буй нөхдүүд бүгдээрээ ашиг сонирхлын зөрчилтэй юм байна лээ ш дээ. Та нар ер нь аймгийн алдарт, улсын алдартынхаа малгайгаа өмсөөд ороод ир. Тэгээд зөрчилтэй нь гарч явбал яасан юм? Аймаг, сумынхаа юмыг ярина, бүсийн наадмыг манайд хийнэ, танайд хийнэ, манай аймгаас арслан, аварга төрөх ёстой гээд ярих юм. Энийг их хурал хэлэлцэхээ болих хэрэгтэй. Мэргэжлийн холбоо нь ажлаа хий. Арай л дэндлээ. Та бүхэнд мэдэхгүй ч юм алга, бараг мэдэх ч юм алга. Улстөрчид юм бүхэнд гар хүрдгээ боль. Үндэсний соёл, өв уламлжлалаа авч үлд. Ядаж түүх соёл руугаа мэддэг царайлж ормооргүй байна. Нэг их мэддэг царайлахаа боль. Би бол нарийн юм мэдэхгүй. Мэддэг холбооныхон нь хий. Мэргэжлийн холбооны хуулиа гарга. Наадмын хууль хэлэлцэж байгаа бол малгайгаа өмсч орж ирээд ашиг сонирхлын зөрчилтэй бол энэ танхимаас гараад зөрчилгүй над шиг гишүүд нь хуулиа хэлэлцээд баталъя" гэлээ.