Дугуй цагаан орчимд Эрдэм, шинжилгээ, сургалт судалгааны төв байгуулна

Дугуй цагаан орчмын шавар гэрүүдийг буулгасан асуудлаар "Энигма" компани, МҮИС-ийн ТУЗ-ийн дарга Л.Мөнхбат дараах мэдээллийг өглөө. 

Тэрбээр "Бид өмч хөрөнгөө эвдүүлсэндээ харамсаж байна. Гадаадын хөрөнгө оруулагчид Монголоос зугтдаг болсон энэ үед бид хоорондоо ойлголцож чаддаг юм гэдгээ харуулах нь чухал юм. Эдийн засаг хөгжих ёстой. Аялал жуулчлалыг хөгжүүлэх тал дээр Засгийн газар анхаарч ажиллаж байгаа. Аялал жуучлалыг хөгжүүлэхийн тулд заавал зорилтот зах зээл байх ёстой. Идэж, уух гэж гадныхан ирэхгүй. 

 Бидний зогсож буй энэ ам Даяанчийн ам гэдэг нэртэй, оюун санаагаа төвлөрүүлдэг авшигтай газар. Бид энд аялал жуулчлал хөгжүүлэхээр ажилласан ч зөвшөөрөл өгдөггүй. Ажил хийх нөхцүүлд бүрддэггүй. Энэ газрыг авахын тулд 2017 онд намайг хар тамхинд холбогдсон  гэж хүртэл мэдээлэл гаргаж байсан. Би үнэхээр харамсдаг.Би хар залуугаасаа гадаад, дотоодод бизнес хийж зүтгэсэн. Хүний нутагт зодуулж, дээрэмдүүлж, буу тулгуулж байсан үе зөндөө бий. Ингэж зовж олсон хэдэн төгрөгөө энэ газарт зориулсан. Манай компанийн ард ямар ч улс төрч байхгүй. МҮИС бол брэнд болсон их сургууль. Бидний нэрийг хүртэл авах гэж шүүхэд очсон удаатай. Манай сургуулийн үнэ цэнэтэй бүхнийг булааж авах гэж ирсэн. Гэхдээ бид хамгаалсаар ирсэн.  

Ерөнхийлөгч "Бизнесийн бид зэрлэгийг нь зулгаана, зүлгийг нь зулгаахгүй" гэж хэлж байсан удаатай. МҮИС бол оюуны салбарын хөрс нь, зүлэг нь шүү. 

 Өнөөдөр хотын дарга дуудсанд баярлаж байна. Бид шүүхэд нэхэмжлэлээ гаргасан. Шүүхийн шийдвэр гараагүй тул энэ талаар хамаагүй ярьж болохгүй байна. Хохирлын хэмжээг хөндлөнгийн аудит тогтооно" гэлээ.