​ЗГ: Байнгын асаргаа шаарддаг хүүхэдтэй эцэг эхийн НДШ, ЭМД-ыг төрөөс төлнө

ХНХ-ийн сайд А.Ариунзаяа: Байнгын асаргаатай хүүхдийн эцэг эхийн аль нэгийнх нь НДШ-ийг хөдөлмөрийн хөлсний доод хэмжээнээс тооцож, хүүхдийг 18 нас хүртэл даадаг байх асуудлыг судлахыг ХНХ-ийн сайдад даалгасан. Хүүхдээ асарч байгаа эцэг эхчүүдэд сард 123 мянган төгрөг, насанд хүрсэн хүнийг асарч байгаа тохиолдолд 84 мянган төгрөг олгодог. Үүнийг аажмаар нэмэгдүүлж, өрхийн амьжиргаатай холбохоор шийдлээ. Хөгжлийн бэрхшээлийн хүнд хөнгөнөөс нь шалтгаалж өөр өөрөөр шийдвэрлэх чиглэлийг Ерөнхий сайд өгсөн. Эцэг эх, хууль ёсны асран хамгаалагчгүй байнгын асаргаа шаардлагатай хүүхэд болон сэтгэцийн бэрхшээлтэй иргэдэд зориулсан тусгайлсан асрамжийн газар байгуулах чиглэл өгсөн.