СХД-т согтуу жолооч 40 орчим насны явган зорчигчийг мөргөж, амь насыг нь хохироосон ноцтой осол гарлаа

Өнөөдөр буюу 6 дугаар сарын 12-ны өдрийн 13:00 цагийн орчим СХД-н 7-р хороо 67-р сургуулийн урд замд Б жолоочтой Кантер маркын автомашин явган зорчигч 40 орчим насны эрэгтэйг мөргөж зам тээврийн осол гарч ослын улмаас явган зорчигчийн амь нас хохирсон. Дээрх хэргийг мөрдөн шалгах ажиллагааг Цагдаагийн байгууллагаас явуулж байгаа бөгөөд жолооч Б-ын согтууруулах ундааны зүйл хэрэглэсэн эсэхийг шалгахад Др:0.28% гарсан байна. 

Хөдөлгөөнд оролцогч та бүгд өөрийн болон бусдын амь нас эрүүл мэнд, эд материалд хохирол учруулж болзошгүй эрсдэл өдөр тутамд байгааг анхаарч өөрөө үлгэрлэн хэн нэгний буруу үйлдлийг таслан зогсооход хүн бүрийн оролцоо, хамтын ажиллагаа чухал байгааг анхаарна уу.

Эх сурвалж: ТЦА