Баривчлагдсан иргэн: Монголд Д.Сумъяабазар толгойлогчтой мафи бий болсныг би нүдээрээ харлаа

Богдхан уулын Баруун ширээт, Зүүн ширээт рүү гарах замд Дугуй цагаан орчимд байрласан шавар гэрүүд НЗД-ын захирамжаар нураах шийдвэр гаргаж, тус байршилд байрлах нийт 49 шавар гэрийг албадан буулгасан билээ. 

Тухайн гэрүүдийг шүүхийн шийдвэргүйгээр буулгаж, ААН-ийн өмчид халдсан нь олон нийтийн шүүмжлэлийг дагуулж байна. Улмаар нураалгасан өмчөө хамгаалж байсан Богдхан амралтын газрын ажилчдыг өчигдөр  /2022.06.09/  цагдаагийн бие бүрэлдэхүүн хүч хэрэглэн баривчилсан.

Уг асуудлаар тухайн баривчлагдсан иргэнээс тодруулахад тэрбээр "Би өмчөө л хамгаалсан, гэтэл намайг цагдаа нар архи уусан гээд хөөж гүйсээр байгаад баривчилсан. Миний эд зүйл алга болсноос гадна нуруу гэмтсэн. Мафи гэдэг зүйлийг би кино дээрээс хардаг байсан бол Монголд өнөөдөр Д.Сумъяабазар толгойлогчтой мафи бий болсныг би нүдээрээ өчигдөр харлаа, мэдэрлээ. Бизнес эрхэлж байгаа мянга мянган залуучууд босч тэмцээсэй гэж хүсч байна. Монголын нийгэм өнөөдөр иргэнээ нохой шиг үздэг болжээ.  Намайг цагдаа нар авч явахдаа ямар ч үндэслэл, тайлбар хэлээгүй. Шууд авч явсан. Шалтаг олдохгүй болохоор нь архичин болгож хувиргадаг юм байна" гэв.