Б.Пүрэвдорж: Дарга нарынхаа хаусыг буулгаж чадахгүй байж шавар гэрүүдийг буулгасан нь нөгөө л дабль стандарт

Богдхан амралтын баазыг нураах шийдвэрийг хотын дарга гаргасан асуудлаар УИХ-ын гишүүн Б.Пүрэвдоржоос байр суурийг нь тодрууллаа. 

Тэрбээр  "Хувийн хэвшил рүү хэт ихээр түрэмгийлэх, компаниудыг хураан авах, бизнес булаан авах зүйл өнөөгийн Засгийн газрын үед, эрх баригчдын үед  хэрээс хэтэрч байна. Тэр хувийн хэвшил очоод дураараа гэр бариагүй байх . Тэнд газар ашиглах ч юм уу? эзэмших ч байдаг юм уу? зөвшөөрөл өгсөн байж таарна. Тэр хүрээндээ аялал жуулчлалын үйл ажиллагаанд зориулан гэр бариад ажлаа хийгээд явж байж. Хотын захиргаа ч юм уу? засгийн газар ч юм уу? зөвшөөрөл өгдөг. Нөгөө хэсэг хүмүүс нь үгүйсгэж хураадаг ийм тогтолцоо байх ёсгүй. Хэдийгээр МАН-ынхан энэ зөвшөөрлийг өгсөн ч гэсэн МАН-ынхан тэрийг буцаагаад хураан авах ёс байхгүй. Сүүлийн үед төр бизнест оролцдог зүйл хэрээс хэтэрлээ. Төрийн өмчийн компаниуд асар их болсон. Түүнд нь дарга нарын ашиг сонирхол хэт их ордог болсон. Дээрээс нь дарга нарт нөлөөтэй, хуулийнханд нөлөөтэй хүмүүс хамгийн их ашигтай тээврийн бизнесийг хийж байна. Хувийн хэвшил рүү хэт ихээр түрэмгийлэх, компаниудыг хураан авах, бизнес булаан авах зүйл өнөөгийн засгийн газрын үед өнөөдрийн эрх баригчийн хувьд хэрээс хэтэрч байна. Богд уулын аманд аялал жуулчлалын зориулалтаар л газар олгосон байж таараа. Гэтэл тэнд хаусууд барьсан байна. Тэнд дарга нар сууж байгаа. Дарга нарын байшинг буулгахгүй шүү дээ. Ийм дабель стандарт байж болохгүй байхгүй юу даа. Өнөөдөр хэн нэгний гэрийг буулгаж болно. Маргааш чиний бизнесийг булаан авна, чиний гэрүүдийг буулгах тийм л зүйл болно шүү дээ.