The Hu: Манай хамтлагийн менежер их хэмжээний мөнгө залилсан асуудлыг шийдвэрлэхээр ажиллаж байна

"The Hu" хамтлагийн менежер их хэмжээний мөнгө залилсан тухай мэдээлэл гарсан. Үүнтэй холбогдуулан тус хамтлагаас мэдэгдэл гаргажээ.

 Мэдэгдэлд "Манай хамтлаг, менежер Tuga Namgur-тэй хамтран ажиллахаа больсон. Түүнийг их хэмжээний мөнгө залилсан тухай мэдээлэл нийгмийн сүлжээнд их гарч байна. Тодруулбал, биднийг дэмждэг, уран бүтээлийг минь сонсдог хүмүүс рүү төлбөр төлж, тэмдэглэгээ бүхий баталгаажсан дэмжигч болох хүсэлтийг цахимаар явуулж их хэмжээний мөнгө залилж байгаа тухай олон хүн гомдол ирүүлсэн. Тэрхүү хүсэлтийг тусгай программ ашиглаж явуулж байгаа нь тодорхой болсон. Ямартай ч энэ асуудлыг шийдвэрлэхэд шаардлагатай бүхий л арга хэмжээг авах болно" гэжээ.